駐院醫生 vs 掛單醫生

經常有病人問我駐院醫生 vs 掛單醫生嘅分別,因為大家都係私家醫生. 喺選擇心儀主診醫生嘅時候,究竟有冇咩影響.

一般而言, 駐院私家醫生只會在駐守的醫院照顧病人,不會到其他醫院.相反, 掛單醫生一般都會走好多間私家醫院, 掛單醫生一般都有自己的診所, 而診所通常都不是在醫院裏, 並不是每一個私家醫生都掛盡所有天下私家醫院, 基本上每個醫生都有自己嘅地頭, 有啲醫生鍾意淨係港島區, 有啲醫生淨係鍾意九龍或新界區, 有啲醫生走盡咁多區.

通常下一條問題係應該邊種醫生比較好?當然系無絕對啦!

那些人會選擇駐院醫生?

• 自己所喜歡的醫生是駐院醫生

• 鍾意名牌醫院, 有些病人是揀醫院不是揀醫生為主的

• 喜歡到比較近自己屋企嘅醫院,因為方便啲,那麼便要根據附近的私家醫院有沒有腫瘤科駐院醫生,然後在有關醫生當中再選擇.

• 受保險限制要到某些特定醫院才有特定保障

一般而言, 駐院醫生在醫院有特定的優勢, 要起手都唔會book唔到床,但係如果醫院冇床,要去到其他私家醫院的話,病人便要向其他醫生求助,而且,並唔係每個地區都有私家醫院,所以都唔係一定近自己屋企.

那些人會選擇掛單醫生? 只有喜歡揀自己所喜歡的醫生的病人才會選擇掛單醫生, 那麼便要根據醫生在那間私家醫院掛單來選擇私家醫院的住院服務, 好處是有機會做私家醫院KOL, 因為有機會要跟住而家醫生四處漂泊, 邊度有床就住邊度, 有機會試盡全港九新界……講笑嗻! 其實私家醫生都唔想四處走,除非有隨意門,如果唔係塞車都嘥你好多時間.但係由於疫情嘅關係, 最近之間遠不斷搬龍門, 收症規矩日日改, 結果被逼都可能要走好多醫院, 因為一間收唔到就要試第二間……其實個醫生都要四處漂泊.

講到最後, 醫患關係像極了愛情, 都係緣分嘅問題. 好多時候都係由原先嘅主診醫生轉介俾另外一科嘅醫生, 又或者身邊朋友或者家人介紹, 所以都唔係駐院唔駐院嘅問題, 今日咗寫嘅並唔係要教大家點樣去揀醫生, 只係想大家知道兩者之間嘅分別. 因為有好多駐院醫生到最後都變成掛單醫生院醫生, 通常病人最後都係跟醫生唔係跟醫院